မောင့်ရဲ့ချစ်သူသစ္စာ

“မေရေ … မေ့အတွက် မောင် ပိုက်ဆံစုထားတာ တော်တော်ရနေပြီ ။ အားမငယ်နဲ့တော့နော် ။ မေ့မျက်လုံးတွေ မြင်ရတော့မယ်”။ မောင်က တစ်နေ့ ထိုသို့ ပြောလာသောအခါ မောင်၏ ချောမွတ်နေသော လက်ဖ၀ါးများကို အားကိုးတကြီး ကိုင်ဆုတ်ပြီး ၊ ငယ်ငယ်လေးတည်းက လောကကြီးအား မြင်ခွင့်မရခဲ့သော ကျွန်မမျက်ဝန်းများတွင် မျက်ရည်ဝဲသွားရသည် ။ ကျွန်မလို မျက်မမြင် ဒုက္ခိတ တစ်ယောက်အပေါ် အလွန်ကြင်နာ ချစ်ခင်ခါ ယုယတတ်သော မောင့်ကို ကျွန်မ၏ မိသားစုကပင် အံ့သြခဲ့ရသည်မှာ နှစ်ပေါင်းများစွာ ကြာခဲ့ပြီဖြစ်သည်။ ကျွန်မကိုချစ်သည့် မောင့်အချစ်သည် ထိုမျှ ကြီးမားလိမ့်မည်ဟု မယုံကြည်ခဲ့ကြသော ကျွန်မ မိသားစုသည် အစပထမတွင်တော့ အပြင်းအထန် ကန့်ကွက်ခဲ့ကြသည် ။ သို့သော် မောင်က သူတို့ကို လက်တွေ့ သက်သေပြခဲ့လေသည် ။…………………………………“မေရေ … ဘာမှ မကြောက်နဲ့နော် ။ နာရီပိုင်းပြီးရင် မောင့်ကို မေ မြင်တွေ့ နိုင်တော့မယ် ။ မေကြိုက်တဲ့ မိုးစက်တွေကို မေ ကြည့်နိုင်တော့မယ် ။ မေ ကြိုက်တဲ့ သစ်ပင်တွေ လေမှာ ယိမ်းနေတာ မြင်ရတော့မယ် ။ အားတင်းထားနော် ။ အားလုံး အိုကေသွားမယ် ။ ဟုတ်ပြီလား ။ မောင် အမြဲ ရှိနေမယ် ။”ကျွန်မတို့ အားလုံး စောင့်စားခဲ့ရသောနေ့သို့ ရောက်လာခဲ့သည် ။ မျက်ကြည်လွှာ အစားထိုး၍ ကုသဖို့ သန်းပေါင်းများစွာသော ငွေကြေးပမာဏကို မောင်က စုဆောင်းလိုက်နိုင်လေပြီ ။ ခွဲခန်း၏ အပေါက်ဝအထိ မောင်က ကျွန်မ လက်ကို မလွှတ်ပဲ လိုက်ပါလာခဲ့သည် ။ “မေ့ကို မောင် ထာဝရ သိပ်ချစ်နေမယ်နော် ။ ဘာဖြစ်ဖြစ် မောင့်ကို ချစ်တဲ့အချစ်နဲ့ အားတွေကို မွေးပါ မောင့်ရဲ့မေ ”ဟု ကျွန်မ နားနား မောင်က ကပ်ပြောကာ ၊ ကျွန်မ၏ နဖူးလေးကို ငြင်သာစွာ နမ်းလိုက်၏ ။ ထိုအနမ်းကြောင့် ကျွန်မ တကိုယ်လုံး အားမာန်အပြည့်နှင့် နွေးထွေးသွားသယောင် ခံစားလိုက်ရသည် ။…………………………………“ပတ်တီးကို ဖြေတဲ့အခါ ချက်ချင်းကြီး မျက်စိကို မဖွင့်နဲ့ ။ ဖြည်းဖြည်းချင်း ဖွင့်ကြည့် ။”အော်ပရေးရှင်းအပြီး မောင်နှင့် တွေ့ရမည် မျှော်မှန်းခဲ့သော်လည်း ၊ တကယ်တော့ မောင်က မဖြစ်မနေ ခရီးတစ်ခုကို ထွက်သွားခဲ့သည် ဟု မေမေက ပြန်ပြောပြသည် ။ မောင်မရှိသော နေ့ရက်များတွင် အနားမှာ ဖေဖေ (သို့) မေမေ (သို့) ကိုကြီး အမြဲ ရှိနေခဲ့သော်လည်း အထီးကျန်ဆန်ခါ ဟာတာတာဖြစ်လွန်းလှ၏ ။ ပတ်တီးဖြည်မည့်နေ့တွင်တော့ မောင် ရောက်လာမည်ဟု အတိအကျ ယုံကြည်ထားခဲ့သည်။ မောင့် မျက်နှာကို မြင်ရတော့မည် ဆိုသော အတွေးနှင့် ကျွန်မ နှလုံးသား အထိန်း အကွပ်မဲ့နေခဲ့သည် ။ ရင်ခုန်သည်ဆိုတာ ဒါပဲဖြစ်မည် ။“ဟင်” ကျွန်မရှေ့တွင် ၀ိုးတ၀ါး အရိပ်တစ်ခုကို တွေ့ရသည် ။ သူ့ဘေးဘက်တွင် နောက်ထပ် အရိပ်သုံးခု ။ “သမီးလေး”အရိပ်နှစ်ခုက ကျွန်မနား နီးကပ်လာပြီး စိုးရိမ်တကြီးခေါ်လိုက်သည် ။ ဖေဖေ နှင့် မေမေ …. ။ကျွန်မ မျက်ဝန်းတို့ကို တချက်မှိတ်ခါ ပြန်ဖွင့်လိုက်သည် ။ ဤတကြိမ်တွင်တော့ အလင်းရောင်တချို့ မျက်စိထဲ ၀င်လာသည် ။ ၀ိုးတ၀ါးအရိပ်များ တဖြည်းဖြည်း ထင်ပေါ်လာသည် ။ ဖေဖေ … မေမေ … ဆရာဝန်ကြီး … ကိုကြီး ….ဟင် … ဒါဆို … ဒါဆို … မောင် … မောင် ရော ။“မောင် ရော ဟင်” မေမေ့လက်ကို အားကိုးတကြီး လှမ်းဆွဲပြီး မေးလိုက်မိသည် ။ မေမေငိုနေသည် ။ ၀မ်းသာလွန်းတာ ဖြစ်နိုင်သည် ။ “ဖေဖေ မေမေ သားကို ညီမလေးနဲ့ ခဏ တစ်ယောက်တည်း စကားပြောခွင့်ပေးပါ”။ကိုကြီး၏ ခွင့်တောင်းသံကို ကြားလိုက်ရသည် ။ ဘာတွေဖြစ်နေသနည်း ကျွန်မ မသိပါ ။ကိုကြီးမှတပါး အားလုံး အပြင်ထွက်သွားပြီးသောအခါ - -“ညီမလေး … တိမ်ယံက ညီမလေးအတွက် စာတစ်စောင် ထားသွားခဲ့တယ် ။ ကိုကြီး ဖတ်ပြမယ်နော် ။မေ …ဒီစာကို မေဖတ်ရချိန်မှာ မောင်က အဝေး တစ်နေရာမှာ ရောက်နေပြီ ။ တကယ်တော့ မေ … မောင်တို့ဘ၀မှာ မထင်မှတ်တဲ့ ကြမ္မာဆိုးဝင်ခဲ့တယ် ။ အစိုးရက မြန်မာနိုင်ငံမှာ ၄၅ ကျပ်တန် ၊ ၉၀ ကျပ်တန်တွေ တရားမ၀င်တော့ဖူးလို့ ကြေငြာတဲ့နေ့က မေ့အတွက် ဆုထားခဲ့တဲ့ ပိုက်ဆံတွေ အားလုံးနီးပါးဟာ တန်ဖိုးမဲ့သွားခဲ့တယ် ။ အနှစ် ၂၅ ထိ လောကကြီးကို မြင်ခွင့်မရခဲ့တဲ့ မေ့ကို မြင်ခွင့်ရအောင်လုပ်ပေးဖို့ လမ်းမရှိတော့သလို ဖြစ်သွားတယ် ။ မောင်လေ … သိပ် ငိုကြွေးခဲ့ရတဲ့ ရက်ပေါင်း မနည်းပါဘူး ။ နောက်ဆုံးမှာတော့ မောင့် နှလုံးသားနဲ့ ထပ်တူ ဆုံးဖြတ်ချက်တစ်ခုကို ချလိုက်မိတယ် ။ချစ်သောမေ … ဘာပဲဖြစ်ဖြစ် ခု မေ့ဆီမှာ ရှိတဲ့ မောင့်မျက်ဝန်းတွေကို အသုံးချပြီး ဘ၀ကို သတ္တိရှိရှိ အကျိုးရှိရှိ ရင်ဆိုင်ပါ ။ မောင်တို့လို မထင်မှတ်ပဲ ကြမ္မာဆိုးဝင်မွှေတာ ခံခဲ့ရသူတွေအတွက် အတတ်နိုင်ဆုံး ကူညီပေးလိုက်ပါ ။ နောက် မောင့်အချစ်ကို အမြဲခံစားပြီး ဘ၀မှာ ပျော်ပျော်နေပါ မေ ။မောင့်ကို လိုက်ရှာဖို့ မကြိုးစားပါနဲ့တော့ ။မေ့ရဲ့မောင်………………………..ပြီးဆုံးသွားသော စာနှင့်အတူ ဓါတ်ပုံလေးတစ်ပုံကို ကိုကြီးက လှမ်းပေးသည် ။ ကျွန်မ ပုခုံးကို တယုတယကိုင်ကာ ရပ်နေသော လူငယ်တယောက် … မောင် ။ဓါတ်ပုံလေးကို ကျစ်ကျစ်ပါအောင်ဆုတ်ပြီး ၊ ပါးပြင်ပေါ် အတားအဆီးမဲ့ စီးကျလာသော မျက်ရည်စက်တို့ကို လက်နှင့် သုတ်ပစ်လိုက်သည် ။ နောက်ထပ် ကျလုဆဲဆဲ မျက်ရည်တို့ကိုလည်း ပုတ်ထုတ်ပစ်လိုက်သည် ။ မောင့် မျက်ဝန်းများကို စောင့်ရှောက်ပြီး ၊ မောင် မှာခဲ့သလို လုပ်ဆောင်ရန် ကျွန်မမှာ တာဝန်ရှိသည် ။
ကြိုးစားပါအုံးမည်....ဖြိုးဇာနည်....နေ့လည်...၁၁း၂၅တိတိ