မွေးနေ့နဲ့ အတွေ့အကြုံ

"ဒေါက်တာ"ကျွန်တော်တို့ ငယ်ငယ်က အထင်တကြီး လေးစားခဲ့ရသော လူတန်းစားတစ်မျိုး။ သို့သော် ယခုအခါတွင်တော့ "ဒေါက်တာ"ပေါင်း မြောက်မြားစွာ ပေါ်ထွန်းလာပါသည်။ ဆေးလောကမှ "ဒေါက်တာ"လား၊ အခြားလောကမှ "ဒေါက် တာ"လားဟူ၍ပင် မခွဲခြားနိုင်တော့ပေ။ ဟိုလူ့ နာမည်ရှေ့လည်း "ဒေါက်တာ"၊ ဒီလူ့နာမည် ရှေ့လည်း "ဒေါက်တာ"၊ နို့နံ့ပင် မစင်သေးသော ငယ်ရွယ်သူတို့ရှေ့တွင်လည်း "ဒေါက်တာ"။ ယခု ကဲ့သို့ ပေါများလှသော "ဒေါက်တာ"ခေတ်တွင် ကျွန်တော်သည်လည်း "ဒေါက်တာ" တစ်ယောက် ဖြစ်လာခဲ့ပါသည်။ငယ်စဉ်က ကြိုးစား ခဲ့ရသလောက် ယခုတော့လည်း ဘာမှ မဟုတ်သလိုပါပဲလား။ လူ့ သဘာဝအရ ရှားပါးသော အရာများကို အမြတ်တနိုး တန်ဖိုးထား တတ်သော်လည်း ပေါများလှသည့်အရာတို့ကိုကား တန်ဖိုးမထားတတ်ကြ ပေ။ အလွယ်တကူ ရနိုင်၍ တန်ဖိုးမထားကြခြင်းမှာ အဆန်းတော့ မဟုတ်ပေ။ ထို့ကြောင့် ကျွန်တော် လည်း "ဒေါက်တာ"ဖြစ်လာသောအခါ စိတ်ဓာတ် အနည်းငယ်ကျစ ပြုလာပါသည်။ အခြား အခြားသော "ဒေါက်တာ"များ၏ ကောင်းသတင်းထက် မကောင်းသတင်းများက လူ့ပတ်ဝန်းကျင် အသိုက်အ၀န်းတွင် ပျံ့နှံ့လို့နေပါသည်။ "ဘယ်သူတရားပျက်ပျက် ကိုယ်မပျက်ဖို့ပဲ လိုပါသည်"ဟု မေမေက အားပေးပါသည်။ တက္ကသိုလ်ဝင်တန်း အောင်တော့ အမှတ် ကောင်း၍ ဆေးတက္ကသိုလ် တက်ရပါပြီ။ ယခင်နှစ်များက ဗိုလ်တထောင် ၅ သည် ရန်ကုန်မြို့ တွင်း ၆ မြို့နယ်တွင်ပါ၍ ဆေးတက္ကသိုလ် ၁ တွင် တက်ခွင့်ရပါသည်။ ကျွန်တော်တို့ ၂၀၀၀ ခုနှစ် ဆယ်တန်းအောင်သည့်အခါတွင်မတော့ ဗိုလ်တထောင်မြို့နယ်သည် အရှေ့ပိုင်းခရိုင်တွင်ပါ သည်ဟုဆိုကာ ဆေးတက္ကသိုလ် ၂ တွင်သာ တက်ရပါသည်။ အမေက ဘယ်ကျောင်းတက် တက် အတူတူပါပဲဆိုပြီး အားပေးပါသည်။ ဆေးကျောင်းတက်ခဲ့စဉ် သက်တမ်းတစ် လျှောက် အမေ မကြာခဏ ပြောဖူးသော စကား တစ်ခွန်းမှာ ရေများတဲ့နေရာမှာ ရွာတဲ့မိုးက အလကားပဲ ဟူ၍ ဖြစ်ပါသည်။ ရန်ကုန်ကဲ့သို့သော မြို့ကြီးများတွင် ဆရာဝန်များ ပေါများ လှသော်လည်း တောရွာများတွင်ကား ရှားပါး လှပေသည်။ ကျွန်တော်အသက် ၂၁ ပြည့်မွေးနေ့ အထိမ်း အမှတ်ကို ကျွန်တော်ကဲ့သို့ ကျင်းပဖူးသူ တစ် ယောက်မှမရှိသေးဟု ရဲရဲဝံ့ဝံ့ ပြောရဲပါသည်။ ဤကဲ့သို့ ကျင်းပဖြစ်ခဲ့ရသည်မှာလည်း စိတ်ကူး ကောင်းသော မေမေ့အစီအစဉ်ပင် ဖြစ်ပါသည်။ ၂၀၀၈ ခုနှစ် သင်္ကြန်ကာလတွင် ဒေးစွန်ပါ တောင်ခြေရှိ တစ်ခုတည်းသော တောရကျောင်း လေး၌ ဇီဝိတဒါန ဆေးအလှူ ဒါနပြုရခြင်းပင်။ သူမတူ ထူးခြားလှသော မွေးနေ့အထိမ်းအမှတ် လေးပင်။ ဥပုသ်စောင့်ရင်း လူနာများကို နေ့စဉ် ကုသပေးပါသည်။ ညနေပိုင်းတွင်လည်း တရား စခန်းဖွင့်ထားသောကျောင်း၌ နာမကျန်းသည့် ရဟန်းတော်များကို ဆေးကုသပေးပါသည်။ဤနေရာတွင် ယခုကဲ့သို့ ဇီဝိတဒါန ဆေးပေးခန်း အသေးစားလေး ဖွင့်ပေးနိုင်သည်မှာ အလုပ်သင်ဆရာဝန်အပြီး Posting မကျခင် ကြားကာလတွင် ဇီဝိတဒါနသံဃာ့ဆေးရုံနှင့် မွတ်စလင်ကုသိုလ်ဆေးရုံတို့တွင် လုပ်အားပေး ဆရာဝန်အဖြစ် ၀င်ရောက်လုပ်ကိုင်ပေးသည့် အကျိုးကျေးဇူးများပင်။ သို့ရာတွင် မေမေ့ အားပေးမှုများကလည်း ပါဝင်နေသည်ပဲလေ။"ဆရာလေး မနေ့က ဘာဆေးထိုးပေး လိုက်တာလဲ"ဟု အမေကြီးတစ်ယောက်က မေးလာသည်။"ဘာဖြစ်လို့လဲ အမေ""သြော်... ခါးနာနေတာကို ဆေးထိုးပေး လိုက်တာ ဇက်ကြောတက်တာပါ ပျောက်သွားလို့လေ" တော်သေးတာပေါ့။ ဘာများပါလိမ့်လို့ စိတ်ပူလိုက်ရတာ။..............
အသည်းကြွပ်ရောဂါ (Cirrhosis of Liver) တဲ့။ ဆရာဝန်များက လက်လျှော့ခိုင်းလိုက်သော လူနာတစ်ဦး။ ကုလို့လည်း မထူးတော့ပါဘူး၊ တစ်သက်လုံး သောက်လာတဲ့ အရက်ကလည်း ဖြတ်ထားတာ ၁၇ ရက်ပဲ ရှိသေးတယ်၊ သေမယ့်သေ ခြံထဲမှာပဲ သေချင်တယ်ဆိုပြီး ဒေးစွန်ပါ တောင်ခြေမှာ လာနေသောလူနာ။ ယခု ကျွန်တော် ရောက်သွားတော့ ဆေးခန်းလာပြသည်။ ခက်ပြီ။ ကျွန်တော့်မှာ အသည်းရောဂါအတွက် ဆေးအပြည့် အစုံ မပါပါ။ General ကုဖို့ လောက်ပဲ ပါပါသည်။ Symptomatic Treatment ပဲ ပေးရတော့မှာပါ။ သို့သော် ကျွန်တော့်မှာ ကုမ္ပဏီက Sample ရထားသည့် အားဆေး အကောင်းစား ကဒ်လေး တွေတော့ ပါပါသည်။ အားဆေး ၂ တောင့် အပါအ၀င် ဆေး ၂ ရက်စာပဲ ပေးရသေးသည်။ ဒုတိယအကြိမ် ပြန်လာပြတော့ သင်္ကြန်တွင်း ဥပုသ်ပါစောင့်မည်ဟု လူနာက ဆိုသည်။ လွန်ခဲ့ သည့် ၂ ရက်က လူနာ မဟုတ်တော့သလိုပါပဲလား။ ဆရာလေးရဲ့ ဆေးက ကောင်းလိုက်တာတဲ့။ လူတွဲပြီးလာရသည့် လူနာက ဥပုသ်တောင် စောင့်နိုင်ပြီဆိုတော့ လူတွေ စိတ်ဝင်စားသွားကြသည်။ သမားဆို အိုမှဆိုပြီး လက်ခံထားကြသည့် ......လူတွေအတွက်အပြောင်းအလဲလေးတစ်ခုရသွားပြီဆိုတော့ကျွန်တော်ကျေနပ်ရပါသည်။အမှန်တကယ်တော့ ကျွန်တော်ကိုယ်တိုင်လည်း အံ့သြနေခဲ့သည်။ ဆေးမထိုးရဘဲ သောက်ဆေးလေး ပေးလိုက်ရုံနှင့် သည်လောက်ထိ ထူထူထောင်ထောင် ဖြစ်သွားတာ၊ ဘုရားတန်ခိုးပဲ ဖြစ်ရမည်ဟု ကျွန်တော် ထင်သည်။ ဒေးစွန်ပါမှာနေပြီး ဆေးကုရသည့်ရက်တွေမှာ ကျွန်တော်က မနက်စောစော ၄း၃၀ နာရီလောက် ဘုရားပေါ်တက်သည်။ ပြန်ဆင်းလာတော့ သီလယူပြီး ဥပုသ်စောင့်သည်။ သက်သတ်လွတ်စားသည်။ ညဘက် တရားနာသည်။ ထို့ကြောင့် ဆေးချင်းတူသော်လည်း သီလတန်ခိုးကြောင့် ပိုပြီးစွမ်းသည်ဟု ကျွန်တော် အပြည့်အ၀ ယုံကြည်မိသည်။ အရပ်စကားနှင့် ပြောရလျှင် ဆေးလိုက်သည်ပေါ့။ကျွန်တော်ကိုယ် ကျွန်တော်လည်း အရင်ကထက်ပိုပြီး ယုံကြည်မှု ရှိလာသည်။ ကိုယ် ကုလိုက်သည့် လူနာများ၏ တုံ့ပြန်မှုကို ကြည့်ပြီးတော့လည်း ပီတိဖြစ်ရသည်။ မေမေပါ ပီတိဖြစ်ရသည်လေ။ ဒါက ကျွန်တော် ၂၁ နှစ်တာ ဖြတ်သန်းခဲ့ရသည့် ကာလတစ်လျှောက်မှာ ရရှိသော အဖိုးမဖြတ် နိုင်သည့် လက်ဆောင်လေ။ 'Self-confidence' ပေါ့။ မေမေ ပေးချင်သည့် မွေးနေ့ လက်ဆောင်မွန်လေ။ ကျွန်တော်၏ ရှေ့ဆက်ရမည့် ဘ၀လမ်းကြောင်း အတွက်လည်း မရှိမဖြစ် အလိုအပ်ဆုံး အရာတစ်ခုပဲလေ။