ဘဝနှင့် လူ၏သက္ကရာဇ်များ

ဘဝနှင့် လူ၏သက္ကရာဇ်များ

သက္ကရာဇ် (၁)
အဲဒီတုန်းက ကောင်လေးက ရှိမှ အိမ်က ဖိုးသား တို့အရွယ် ၈ တန်းလောက် ရှိဦးမပေါ့။
ဒါပေမယ့် ကျွန်တော့် ဆိုင် လာရင် မေးလိုက်သမျှ စာအုပ်တွေက တတ်ကျမ်းတွေကြီးပဲ။
"ပီမိုးနင်း စာအုပ်တွေရှိလား" လို့မေးတဲ့ အခါလဲ မေးရဲ့။
အဲဒီ့အချိန်တုန်းက ဖေမြင့် ရဲ့ တက်ကျမ်းတွေလဲ တစ်အုပ်ပြီးတစ်အုပ် စထွက်နေချိန်ပေါ့ဗျာ။
ကျွန်တော့်မှာ သူ့အတွက် အလျင်မီအောင် ရှာရှာ ထားရတယ်။
တခါတလေ သူ မေးတဲ့ စာအုပ်တွေ ကျွန်တော့်ဆိုင်မှာ မရှိရင် အနားက ဆိုင်တွေမှာ ရှာဖွေပေးရသေးတယ်။

သက္ကရာဇ် (၃)
အခုဆို ကျွန်တော်နဲ့ ကောင်လေးတို့ သိကျွမ်းတာ ၂နှစ်လောက်ရှိပါပြီ။
ဒါပေမယ့် ရင်းတော့ မရင်းနှီးသေးပါဘူး။
ကောင်လေးက သူ့ကိုယ်သူ လူကြီးတစ်ယောက်လို့ သတ်မှတ်ထားပုံရပြီး လူကြီးပုံ အပြည့် ဖမ်းထားတာကိုး။
"ဒီနှစ်တော့ ဆယ်တန်းဖြေရမှာမိုလို့ အိမ်က အပြင်စာတွေ မဖတ်ရဘူးလို့ မှာထားတယ်ဗျာ" ဆိုပြီး ဆိုင်မှာ စာအုပ်တစ်ဝက်ကျော်တဲ့ အထိ ထိုင်ထိုင်ဖတ်သွားတတ်တယ်။
ဖတ်တဲ့စာအုပ်တွေကတော့ အတွေးအခေါ်ပိုင်းဆိုင်ရာ စာအုပ်တွေ များပါတယ်။
ဥာဏ်ကြီးသူက အောင်နိုင်ခြင်းဆိုတဲ့ စာအုပ်လေးကို တော်တော် သဘောကျလို့ထင်ပါရဲ့။
"ကျွန်တော် ဖတ်လို့မပြီးသေးဘူး၊ ခဏသိမ်းထားပေးပါအုံး" လို့ မှာရှာတယ်။
"ဒီနှစ်တော့ မျက်မှန် စ တပ်ရပြီဗျာ" လို့ ဂုဏ်ယူတဲ့ ပုံစံနဲ့ ပြောလိုက်သေးတယ်။

သက္ကရာဇ် (၅)
ကောင်လေး ဆယ်တန်းစာမေးပွဲ အောင်သွားပြီဆိုလို့ ကျွန်တော် ၀မ်းသာပါတယ်။
"ပထမနှစ်တောင် စပြီး တက်နေရပြီ" လို့ ပြောတယ်။
"ကျောင်းသားကြီး ဖြစ်ပြီဆိုတော့ မင်း စာတွေ လွတ်လွတ်လပ်လပ် ဖတ်လို့ရပြီပေါ"့ လို့ ပြောတော့ သူက မျက်မှန် ဘောင်ကို ကျော်ပြီး ကျွန်တော်ကို လှမ်းကြည့်တယ်။
ပြီးတော့ နှုတ်ခမ်းကို တင်းတင်းစေ့ပြီး ပြုံးပြတယ်။
"ဒီမှာ မင်းအတွက် ငါ စု ထားပေးတဲ့ တတ်ကျမ်း တွေ ၊ ဖီလိုဆိုဖီ တွေ " လို့ ထုတ်ပြတော့
ဖြည်းဖြည်းချင်း ခေါင်းခါပြတယ်။
"နောက်တော့ ဖတ်တာပေါ့ဗျာ..။ အခုတော့ ကျွန်တော့်ကို မောင်စိန်ဝင်းတို့၊ နွမ်ဂျာသိုင်းတို့၊ ဘုန်းနိုင်တို့ ရှိရင် ပေးပါ ဦး.. " လို့ ပြောတယ်။
"အော် မင်းကွာ ၊ ဘယ်နှယ့်ပြောပါလိမ့်၊ ဒီပန်းဆိုးတန်းတစ်လျှောက်မှာ စာအုပ်သစ်သစ်၊ ဟောင်းဟောင်း လိုချင်တာ ရှိရင် ငါ့သာပြော" လို့ ပြောလိုက်မိတယ်။

သက္ကရာဇ် (၉)
"ကျွန်တော် အခု မော်ဒန် ကို တော်တော် စိတ်ဝင်စားလာတာဗျ" လို့ ကောင်လေးက သူ့ဆံပင်တွေကို လက်နှင့် ဖွရင်း ပြောတယ်။
အဲဒါနဲ့ ကျွန်တော်လဲ "ဟေ့ကောင် မင်း ဒီနှစ်နောက်ဆုံးနှစ်မဟုတ်လား။ သေချာလဲ လုပ်ဦး။ မင်း စာဘယ်အချိန် ကျက်လဲ တော့ မသိဘူး ၊ အပြင်စာတွေတော့ တောက်လျှောက် ဖတ်နေတာပဲ" လို့ ပြောလိုက်မိတယ်။
ပါးစပ်ကာသာ ပြောတာပါဗျာ။ လက်ကတော့ ဇော်ဇော်အောင်ရဲ့ စာအုပ်တစ်အုပ် ကမ်းပေးလိုက်မိတယ်။
ခင်လာတာ ကြာပြီဆိုတော့ ညီအစ်ကိုတွေလို ဖြစ်နေပြီ။ ပြီးတော့ စာပေနှစ်သက်တဲ့ သူချင်းမှာ အသက်ဘယ်လောက်ကွာကွာ ရင်းရင်းနှီးနှီး ပေါင်းလို့ရတယ် ဗျ။

သက္ကရာဇ် (၁၁)
ကောင်လေးက သူ ဒီနေ့ ပထမ ဆုံး လခထုတ်လို့ဆိုပြီး ကျွန်တော့်ကို လေထန်ကုန်း ခေါ်လာတယ်။
ကျွန်တော်လည်း ဆိုင်ကို မိန်းမ နဲ့ ထားခဲ့ပြီး ကျွန်တော်တို့ နှစ်ယောက် စကားပြောလိုက်ကြတာ ညနေကို စောင်းရောဗျာ။
"အလုပ်ထဲမှာ ဗျာ၊ လူတွေက တစ်ယောက်နဲ့ တစ်ယောက် အပေါ်ယံဟန်ဆောင်နေကြတာပဲ ... ဘ၀ ဆိုတာကြီးကဗျာ ၊ တော်တော် ပူလောင်တာပဲ" လို့ ပြောရင်းကနေ သောက်လက်စ လက်ကြားထဲက တငွေ့ငွေ့လောင်ကျွမ်း နေတဲ့ ဆေးလိပ်ကို မျက်စိရှေ့ထားပြီး မမြင်ဘူးသလို စိုက်ကြည့်နေတယ်။
ပြီးတော့ သူကပဲ ဆက်ပြောတယ်။
"ဒါနဲ့ .. ခင်ဗျားဆီမှာရှိတဲ့ အရှင်ဆန္ဒာဓိက တို့ ၊ ဆရာတော် ဦးဇောတိက တို့ စာအုပ်တွေ ကျွန်တော် ဖတ်ကြည့်ချင်တယ်ဗျ။"

သက္ကရာဇ် (၁၄)
ကျွန်တော့် ဆိုင်ရှေ့မှာ မားမားကြီး လာရပ်လို့ မော့ ကြည့်လိုက်မိတော့ မမြင်ရတာ တစ်နှစ်ကျော်သွားပြီဖြစ်တဲ့ ကောင်လေးကို တွေ့ရတယ်။
အင်း .. တကယ်တော့ သူလဲ ကောင်လေး မဟုတ်တော့ပါဘူး။
"အလုပ်က နယ်လွှတ်တာနဲ့ နယ်ဘက်ရောက်နေတာဗျာ၊ စိတ်ညစ်နေတာနဲ့ ခင်ဗျားကိုတောင် အကြောင်းမကြားမဖြစ်ဘူးလို့ " .. ပြောတယ်။
"မင်းမှာ အလုပ်ကိစ္စမရှိရင် အေးဆေး ပေါ့ကွာ" .. လို့ ကျွန်တော် သူ့ကို ပြောရင်း ကျွန်တော့်ကို စာအုပ်အဖုံးချုပ်ဖို့ အပ်ထားတဲ့ ကျောင်းဖတ်စာအုပ်တွေကို စာအုပ်ချုပ်တဲ့ ကိရိယာတန်ဆာပလာတွေ သုံးပြီး ချုပ်နေလိုက်မိတယ်။
ကောင်လေးကလဲ ကျွန်တော့်စာအုပ်တွေကို ဖွပြီး "ဖတ်ချင်တာလေးတွေ ရှာလိုက်အုံးမယ်ဗျာ" လို့ ပြောတယ်။
ကျွန်တော် စာအုပ်သုံးအုပ်လောက် အဖုံးချုပ်ပြီး သူ့ကို ကြည့်လိုက်မိတော့ သူဖတ်ချင်တာလေးတွေ ဆိုတဲ့ ၊ သူ့ရွေးထားတဲ့ ၊ သူ့  ဘေးနားမှာ ပုံထားတဲ့ စာအုပ်တွေကိုကြည့်လိုက်တော့ ကျွန်တော် မျက်လုံးပြူးသွားတယ်။ ကျွန်တော့်စိတ်ကြိုက် စာအုပ်တွေပါပဲလား။
သော်တာဆွေ၊ အကြည်တော် ... နောက်ပြီး သမိန်ပေါသွပ်၊ ငွေကြည် ၊ တွတ်ပီ့့

ဘာညာဘာညာ.....သာရကာ...ဖတ်ကြည့်ပါ....ဖြိုးဇာနည်...ည...၁၂း၅၀တိတိ